Ofte stilte spørsmål

Under her finn du svar ofte stilte spørsmål.

The ten most important things about Bypakke Ålesund

Dziesięć najważniejszych rzeczy o Pakiecie Miejskim Ålesund

Betaling av bompengar

Kva skjer viss eg ikkje har brikke i bilen?

Dersom du køyrer gjennom ein bomstasjon utan brikke i bilen, så blir det tatt bilde av passeringa. Dersom du ikkje har gyldig AutoPASS-avtale, får du faktura frå Vegamot. Dersom du har gyldig AutoPASS-avtale, så blir passeringa kopla til avtalen din gjennom registreringsnummeret ditt, og du får faktura som normalt. Har du brikke, så skal den vere montert i køyretøyet i samsvar med avtalen.

Korleis får eg fakturaen for bompengar?

Kor ofte får eg faktura?

Kva gjer eg om det er feil på fakturaen?

Har du AutoPASS-avtale kan du ta kontakt med den selskapet du har avtale med. Om du ikkje har AutoPASS-avtale, skal du ta kontakt med dei som har sendt fakturaen. I Ålesund er det Vegamot. Dersom feilen gjeld bomstasjonar andre steder, vil fakturaen kome frå det bompengeselskapet som er ansvarleg for innkrevinga der, og det er dei du må ta kontakt med.

Korleis kan eg klage på ein faktura?

Kva skjer om eg ikkje betaler bompengane?

Eg har betalt forskot på AutoPASSferje, men får likevel faktura.

Forskotsavtalen for ferje gjeld ikkje for bomstasjonar på veg.

Du må ha gyldig AutoPASS-avtale med brikke for at den skal gjelde i Bypakke Ålesund og andre bompengeanlegg i AutoPASS-Samvirke.

Forskotet på AutoPASS ferje vil ikkje kunne brukast for bompasseringar på veg. Dette er to ulike ordningar, og dersom brikka di er knytta til ein forskotsavtale for AutoPASS-ferje, må du oppdatere avtalen din.

Skal du ha avtale både for ferje og veg, må begge avtalane vere oppdatert med korrekt informasjon for å vere gyldig.

Kven er ansvarleg for innkreving av bompengane?

Vegamot AS er et regionalt bompengeselskap med ansvar for finansiering av bompengeprosjekt i Trøndelag og Møre og Romsdal. Selskapet har inngått bompengeavtale med Samferdselsdepartementet, og er eigd av Trøndelag fylkeskommune og Møre og Romsdal fylkeskommune. Vegamot finansierer bompengeprosjekta gjennom låneopptak, og dekkjer forpliktingane gjennom innkreving av bompengar.

Sjølve innkrevinga skjer på to måtar: Kundar kan inngå AutoPASS-avtale med det AutoPASS-selskapet som ein ønskjer og dermed få rabatt på passeringane. Selskapet ein har avtale med betalar dei innkrevde bompengane vidare til Vegamot.

Dei kundane som ikkje har gyldig AutoPASS-avtale, får faktura frå Vegamot, men sidan ein ikkje har AutoPASS-avtale vert det utan rabattar, time- eller månadstak.

Må eg betale dersom bilen min blir henta på en bergingsbil?

Har alle bommane tovegsinnkreving – må eg betale også når eg skal ut av Ålesund?

Kva skjer dersom eg brukar meir enn ein time gjennom bomstasjonane på grunn av kø?

Sjølv når det er kø tek det heldigvis sjeldan meir enn ein time frå Volsdalen til Blindheim eller Olsvika, som er ytterkantane. Viss det blir ulykker som fører til at trafikken står stille, vil du nok måtte betale for to passeringar dersom det tek meir enn ein time mellom passeringane. Forhåpentlegvis blir dette sjeldan eit problem. Mange som pendlar vil nok også komme opp i makstaket på 60 passeringar per månad og dermed ikkje måtte betale meir enn det for ein månad uansett.

AutoPASS-avtale

Korleis får eg AutoPASS-avtale/bestiller eg brikke?

www.autopass.no har oversikt over dei selskapa der du kan bestille brikke. Velg «Bestill brikke» og velg mellom eit av selskapa. Du inngår AutoPASS-avtale og bestiller brikke på nettsidene til dei ulike selskapa. Ta kontakt med selskapet om du treng hjelp. Dei som ikkje bruker PC kan ringe direkte til eit av selskapa.

BroBizz, telefonnummer 23 30 88 80 / https://brobizz.com/
Flyt, telefonnummer 55 55 94 94 / https://flytpass.no/
Fremtind Service, telefonnummer 22 98 40 00 / https://fremtindservice.no/
SkyttelPASS, telefonnummer 55 30 00 10 / https://skyttelpass.no/

Kva selskap har den beste avtalen for bommane i Ålesund?

Alle selskapa gir lik rabatt på bomstasjonane i Ålesund, og det er ingen som gir fleire fordeler eller rabattar enn andre. Selskapa kan konkurrere mot kvarandre på andre ting enn rabattar i bomstasjonane, men per i dag kjenner vi ikkje til store forskjellar mellom selskapa.

Meir om bestilling av avtale og dei ulike selskapa finn du på www.autopass.no

Kostar det noko med AutoPASS-avtale?

Må eg betale noko på forskot for AutoPASS-avtale?

Korleis får eg brikka?

Kan eg kjøpe brikka fysisk i butikk eller hente den nokon stad i Ålesund?

Korleis festar eg brikka?

Eg har allereie ein brikke, må eg skaffe ein brikke til?

Eg har allereie AutoPASS-avtale på ferje – treng eg å gjere noko meir?

Har du ein gyldig AutoPASS-avtale med brikke, så vil den gjelde i Bypakke Ålesund og andre bompengeanlegg i AutoPASS-Samvirke. Men, brikka kan også vere knytta til ein forskotsavtale på AutoPASS-ferje og dette er to separate ordningar. Forskotet på AutoPASS ferje vil ikkje kunne brukast for bompasseringar på veg. Bompengane vert fakturert på etterskot frå selskapet der du har bestilt brikke. Skal du ha avtale både for ferje og veg, må begge avtalane vere oppdatert med korrekt informasjon for å vere gyldig.

Eg har ei gamal brikke, men er usikker på om eg har gyldig AutoPASS-avtale?

Kva meiner de med gyldig AutoPASS-avtale?

Kva er obligatorisk brikke for tunge køyretøy?

Har du bubil, SUV eller liknande over 3,5 tonn som du bruker privat, gjeld ikkje påbodet. Men, Vegtrafikklova seier at alle norske og utanlandske motorvogner med totalvekt over 3,5 tonn registrert på føretak, stat, fylkeskommune eller kommune, eller som på annan måte vert brukt i næringsverksemd, skal ved all køyring på offentleg veg ha gyldig bombrikke knytt til gyldig avtale for betaling av bompengar i Norge.

Fritak

Kan eg søke fritak?

Eg har HC-kort - korleis eg fritak frå bompengar?

Dersom du har parkeringsløyve for forflyttingshemma (HC-kort) som er gyldig i minst to år, kan du sende søknad til Vegamot om fritak for bompengar. Søknaden skal innehalde namn, e-postadresse/telefonnummer, bilnummer og brikkenummer. I tillegg må du legge ved ein kopi av fram- og bakside av HC-kortet og ei stadfesting på at køyretøyet har gyldig AutoPASS-avtale (skjermbilde/kopi av avtalen eller stadfesting frå bompengeselskapet). Husk at parkeringsløyvet (HC-kortet) og AutoPASS-avtalen skal stå i same namn. Når den som har parkeringsløyvet er under 18 år, skal AutoPASS-avtalen vere registrert på ein føresett. Når du har fått innvilga fritak, vil det gjelde alle bomstasjonar med fritak for HC-kort i Norge. Meir informasjon her:

Søknaden skal du sende til:

Epost: kontakt@vegamot.no

Post: Vegamot AS, Postboks 1905 Moholt, 7448 Trondheim

Prisar

Kva kostar det?

Takstgruppe 1

Personbil (bensin-, diesel- og hybridkøyretøy), inkl. varebilar under 3500 kg, hybridbilar og køyretøy registrert som M1

Pris med avtale: 20,80 kroner*
Pris utan avtale: 26 kroner*

Har du Auto-PASS-avtale, er makspris for ein månad 1248 kroner. Dette månadstaket tilsvarer 60 betalte passeringar, og du skal ikkje betale meir enn dette same kor mange gongar du køyrer gjennom bomstasjonane.

Elbil og hydrogenbil (nullutsleppsbilar)

Pris med avtale: 10,40 kroner*
Pris utan avtale: 26 kroner*

Elbilar med AutoPASS-avtale får 50 prosent rabatt, i tillegg til 20 prosent rabatt fordi dei har AutoPASS-avtale.

Har du Auto-PASS-avtale, er makspris for ein månad med elbil 624 kroner. Dette månadstaket tilsvarer 60 betalte passeringar, og du skal ikkje betale meir enn dette same kor mange gongar du køyrer gjennom bomstasjonane.

Takstgruppe 2

Køyretøy over 3500 kilo

52 kroner*

Det er ingen rabatt eller makspris per månad for takstgruppe 2.

Nullutsleppskøyretøy over 3500 kilo er fritatt bompengar når dei har AutoPASS-avtale.

Personbilar med totalvekt over 3 500 kg registrert i køyretøykategori M1 i Autosys med gyldig AutoPASS-avtale og brikke, får takstar som køyretøy i takstgruppe 1.

Køyretøy i takstgruppe 2 som er registrert på føretak eller brukast i næringsverksemd må ha gyldig AutoPASS-avtale. Les meir om obligatorisk AutoPASS-avtale for takstgruppe hos Statens vegvesen.

*Prisar per august 20

Bestill Auto-PASS-avtale her

Kva rabattordningar finst?

Korleis får eg rabatt for elbil?

Korleis fungerer månadstak?

Månadstak gjeld dei som har gyldig Auto-PASS-avtale. Med slik avtale betyr månadstaket at du skal ikkje betale for meir enn 60 passeringar innanfor ein kalendermånad (ikkje frå den dagen du opprettar avtale).

Månadstaket gjeld frå den første til den siste dagen i månaden, men fakturaen kan strekke seg over til neste periode. Summen du skal betale på ein faktura kan difor vere meir enn månadstaket, men du vil likevel ikkje betale meir enn for 60 passeringar per køyretøy kvar kalendermånad.

Månedstaket gjeld per køyretøy.

Makspris per månad for 60 passeringar i Ålesund (august 2022) for elbil er 624 kroner og for anna personbil 1248 kroner. Merk altså at dette ikkje alltid er det same som summen som står på fakturaen.

Det heng saman med at faktura ikkje nødvendigvis gjeld for ein kalendarmånad. Det er det enkelte selskap som bestemmer korleis faktureringa skjer og fakturaen kan gjelde periode eller størrelse på krav. Dei har likevel kontroll på månadstaket.

På fakturaen vil det i tillegg også kome passeringar i bomstasjonar andre stader enn i Ålesund og ferjeturar.

Lurer du på kva type passeringar du har, kor mange passeringar du har eller talet på gratispasseringar, så kan du gå til MinSide hos selskapet der du har AutoPASS-avtale. Der finn du full oversikt.

Vanlegvis kjem info om passeringar på MinSide dagen etter du køyrde gjennom bomstasjonen når du har brikke. Dersom passeringa er knytt til bilde, tek det lenger tid.

Bestill Auto-PASS-avtale her

Korleis fungerer timeregelen?

Er prisen den same uansett kva tid på døgnet du køyrer?

Kan prisen bli sett opp?

Vil det bli endringar i rabattstrukturen? Kan for eksempel elbilrabatten bli fjerna?

Når Blindheimstunnelen blir stengt – må eg då betale bompengar på omkøyringsvegen?

Reglane for bompengeinnkreving er eintydige: Har du passert ein bomstasjon, må du betale bompengar. Bompengeselskapet kan ikkje kople ut bompengeinnkrevinga dersom ein veg er stengt og har ikkje heimel til å innvilge fritak. Bompengeselskapet kan heller ikkje vite om du køyrde gjennom bomstasjonen fordi ein annan veg var stengt. Du kan altså velje å køyre gjennom bomstasjonen og betale for passeringa eller så må du vente til vegen utan bomstasjon opnar igjen. Det har vore kundar som har klaga til Statens Vegvesen på denne ordninga, men dei har ikkje fått medhald.

Kva kostar det for bubil og andre køyretøy i klasse M1?

Takstgruppe 1 er køyretøy med totalvekt til og med 3 500 kg. Takstgruppe 2 er køyretøy med totalvekt over 3 500 kg. Personbilar med totalvekt over 3 500 kg registrert i køyretøykategori M1 i Autosys med gyldig brukaravtale og elektronisk brikke, får takstar som køyretøy i takstgruppe 1. Takstane for det enkelte køyretøy vert fastsett på data innhenta frå Statens vegvesen sitt køyretøyregister Autosys, og er avhengig av om køyretøyet er knytt til ein gyldig AutoPASS-avtale eller ikkje.

Utan AutoPASS-brikke betaler du tungbil-pris, det vil seie prisar for takstgruppe 2. Med gyldig AutoPASS-brikke betaler du lettbil-pris 1 sjølv om køyretøyet er over 3.500 kg. Dette gjeld bubilar og andre køyretøy i klasse M1.

Bestill Auto-PASS-avtale her

Stemmer det at lastebil og mopedbiler køyrer gratis?

Kva kostar det for traktor og ATV?

Blir køyretøy som går på biogass og hydrogen sidestilt med elbilar i bommane?

Kva med hybridbilar?

Må ein ha AutoPASS-avtale for å nytte timesregelen?

Bompengar

Kva blir bompengane brukt til?

Pengane blir brukt til å lage eit påliteleg og effektivt transportsystem slik at du kan kome deg raskare og tryggare fram. Du skal få eit framtidsretta kollektivtilbod og bu i ein by der det er rom for berekraftig byutvikling. Dette blir gjort gjennom mange store og små delprosjekt for dei som går og syklar, dei som køyrer bil og dei som tek kollektivtransport.

Meir informasjon om dei ulike prosjekta finn du her:

Kor mykje kostar tiltaka i bypakken?

Kvifor må vi betale bompengar?

Kven har bestemt at bypakken skal delvis finansierast gjennom bompengar?

Bypakke Ålesund er behandla i bystyret og kommunestyret. Det første prinsippvedtaket vart gjort i 2011. Ingen er «glade» for bompengar, men fleirtalet av politikarane meiner det er nødvendig for å greie og bygge eit framtidsretta trafikksystem. Bypakken er også vedtatt av Møre og Romsdal fylkeskommune og Stortinget.

Veglova (§27) seier at ein med godkjenning frå Stortinget kan bruke bompengar til andre investeringar enn bilveg. Bompengar kan brukast til å bygge alle former for veg, som for eksempel kollektivfelt og sykkelvegar. Veglova seier også kan bompengar kan brukast til drift av kollektivtrafikk.

Kven har bestemt at bomstasjonane skal ligge der dei gjer?

Plasseringen av bomstasjoner er basert på grundige totalvurderingar. Politikarane fekk mange alternativ og har prøvd å finne løysingar som ikkje er veldig urettferdige for enkeltområde eller bydelar, men det er vanskeleg å finne plasseringar av bomstasjonar som er gunstige for alle. Maksgrensa på betaling for 60 passeringer per måned er eit tiltak som skal kompensere for de som får ekstra mange bompasseringer.

Kor lenge må vi betale bompengar?

Kva kostar det å kreve inn bompengar?

Fem til sju øre per innkravd krone. Det er Vegamot AS som er ansvarlege for bomstasjonar, system og innkreving. I 2020 og 2021 var gjennomsnittleg kostnad 6,25 prosent av dei innkravde bompengane. Vegamot gjer heile tida tiltak for å halde kostnadene nede, og seier dei er eit av Norges mest effektive bompengeselskap.

Innkreving av bompengar er strengt regulert. Bompengeselskapet skal ikkje ha overskot og kan ikkje betale utbytte. Alle bompengeinntekter for eit prosjekt er øyremerka det aktuelle prosjektet. Når bompengeselskapet er ferdig med alle forpliktingar, vert det slutt på bompengane. Eventuelle pengar som er til overs skal brukast på prosjekt der pengane er innbetalt.

I stortingsproposisjonen er det lagt til grunn årlege innkrevings- og driftskostnader på om lag 23 millionar 2021-kroner. Totalt sett går ca. 5-7 øre per krone til innkreving av bompengar. (5-7 prosent). Då reknar ein med avskriving og vedlikehald av innkrevingsutstyret som er 1-1,5 prosent av det ein krev inn.

Er det lov å ta betalt før bypakken er ferdig og vara levert?

Kvifor må eg betale bompengar når eg ikkje får nytte av prosjekta pengane skal brukast til?

Med bypakkar har ein eit meir utvida syn på nytte enn når det gjeld bompengar for enkeltstrekningar. Bypakkar er ei samling med tiltak som skal gjere det enklare og tryggare å kome seg fram. Eit eksempel er brua over Brosundet. Den vil gi mindre forseinkingar i heile kollektivnettet og kortare reisetid for bussen slik at vi kan køyre meir buss for kvar krone. Det er det vi kallar utvida nytte fordi brua vil vere til nytte for mange fleire enn akkurat dei som køyrer over den.

Kvifor er det så mange kamera?

Bomstasjonane har to kamera i kvar køyreretning, laserar for å registrere at det passerer køyretøy og brikkelesarar. Det er dobbelt opp av utstyr for å sikre at systemet registrerer passeringane. I tillegg er det eit kamera som overvakar funksjonane i stasjonen. I Ålesund er det ein portal per stasjon, medan det i enkelte andre bomprosjekt er tre portalar. Ein portal slik vi har i Ålesund gir reduserte kostnader og er meir arealeffektivt.

Tek kamera bilde av meir enn vegen?

Kamera i bomstasjonen tar bilde av registreringsskiltet til køyretøyet og delar av fronten og enden på køyretøyet. Det blir ikkje tatt bilde av førar eller passasjer.

I tillegg til kamera som tar bilde av registreringsskilt er det eit kamera som vert brukt til kvalitetssikring av registrerte passeringar. Det kan også ta bilde av området i nærheita av bomstasjonen, men sladder det som ligg utanfor deteksjonssona i bomstasjonen. Bompengeinnkreving er underlagt strenge personvernregler, og naboar og andre som ferdast i områda rundt bomstasjonane skal vere trygge for at vi ikkje filmar og tek bilde av anna enn passeringar på vegen.

Korleis vil bompengar påverke trafikken både i områda der bomstasjonane er plassert og stader der det ikkje er bomstasjonar?

Det er vanskeleg vite nøyaktig korleis køyremønsteret og trafikkflyten vil endre seg med bomstasjonane. Nokre område vil nok oppleve ein auka trafikk, for eksempel der bilistar vil prøve å unngå bomstasjonar på veg til jobb eller skule. Samtidig vil timesregelen og månadstaket gjer at mange ikkje sparar noko på ein slik unnamanøver, og vil køyre på dei vegane dei alltid har gjort.

Sist endra 02.10.2023 09.27

Ofte stilte spørsmål

Betaling av bompengar

AutoPASS-avtale

Fritak

Prisar

Bompengar

Kontakt oss

Snarvegar