Om Bypakke Ålesund

Om 20 år er vi mange tusen fleire innbyggjarar i Ålesund. Vegane våre er allereie pressa og difor må vi bygge nye. I tillegg må vi gjere det betre for alle dei som syklar, går og tek buss.

Mennesker som går og sykler på et fortau i Ålesund sentrum. - Klikk for stort bilete Kristin Støylen

Bypakke Ålesund er eit samarbeid mellom Møre og Romsdal fylkeskommune, Ålesund Kommune og Statens Vegvesen. 

Vi skal sikre at kommunen framleis skal vere ein god by for alle, også i framtida. Det skal bli enklare og tryggare å bevege seg til og frå – enten du køyrer bil, syklar, går eller tek bussen. Fire milliardar kroner skal brukast på å betre vegane, bygge sykkelvegar, gjer det tryggare for dei mjuke trafikantane og legge til rette for auka bruk av buss. 

Målet er at fleire skal sykle, gå og reise kollektivt, og at delen reiser med personbil skal reduserast. Bypakke Ålesund skal gi eit påliteleg og effektivt transportsystem for alle transportformer, og bidra til ei attraktiv og berekraftig byutvikling.

Finansiering

I juni 2021 vart Bypakke Ålesund vedtatt i Stortinget med ei samla økonomisk ramme på ca. 4,2 milliarder kroner (2021-kroner). 

Denne ramma blir justert opp årleg i tråd med SSBs byggekostnadsindeks for veganlegg. Den økonomiske ramma er dermed 5,37 milliardar 2026-kroner. 

Finansieringa av Bypakke Ålesund består av innkrevjing av bompengar, samt statlege, fylkeskommunale og kommunale midlar. Det er også lagt til grunn at all meirverdiavgift som staten refunderer for prosjekt og tiltak i bypakken skal gå tilbake til Bypakke Ålesund. 

Eigenfinansieringa til partane i 2026-kroner er: 

  • Statlege midlar: 859,6 millionar kroner
  • Møre og Romsdal fylkeskommune: 117,8 millionar kroner
  • Ålesund kommune: 252,3 millionar kroner
  • Bompengar: 4,14 milliardar kroner

Innkrevinga av bompengar starta 22. august 2022, og kan vare i inntil 15 år. 

Organisering

Bypakke Ålesund er eit samarbeidsprosjekt mellom Ålesund kommune, Møre og Romsdal fylkeskommune og Statens vegvesen. Eit sekretariat med tilsette frå dei tre samarbeidspartane førebur saker til styringsgruppa for Bypakke Ålesund. 

Organisasjonskart som viser korleis Bypakke Ålesund er organisert - Klikk for stort bilete

Styringsgruppemøter

Her finn du møteinnkallingar og referat frå styringsgruppa til Bypakke Ålesund

Årsrapportar og handlingsprogram

Politiske vedtak

Sist endra 29.05.2026 12.46