Planlegging av Hessafjordvegen
Vi ønsker innspel frå dykk som kjenner området!
Bypakke Ålesund ved Ålesund kommune har starta arbeidet med å planleggje vidareføring av Hessafjordvegen. Vi er framleis heilt i starten av planleggingsfasen, og ønskjer derfor innspel frå dykk som bur i området eller kjenner staden godt.
Sidan dette gjeld ei lengre strekning, ønskjer vi særleg innspel om lokale forhold og verdiar vi bør ta omsyn til i det vidare arbeidet. Det kan til dømes vere:
- leikeområde tre og grøntområde
- bekker og overvatn
- snarvegar og gangsamband
- område med spesielle utfordringar
- andre lokale forhold de meiner er viktige
Som ein del av arbeidet skal vi også gjere ei større kartlegging av vatn, avløp og overvatn i området. Vi kjenner allereie til enkelte utfordringar, mellom anna ved Parrstranda, men tek gjerne imot informasjon frå dykk som har lokalkunnskap om andre problemområde.
Vi startar med prosjektering og teikning av vegen etter sommarferien. Det vil tidlegast vere noko konkret å vise fram seint på hausten eller tidleg vinter. Når vi har komme lenger i arbeidet, vil vi invitere til eit felles folkemøte. I tillegg vil vi ha eigne møte med grunneigarar som blir direkte påverka av prosjektet.