Tunnelinnslaget for den nye Lerstadtunnelen kjem ved den store rundkøyringa på Moa.
Statens vegvesen
Gå til prosjektet si naboside med nyttig informasjon til naboar.
Ny innfartsveg til Ålesund gjennom Lerstad har vore planlagt i over 40 år, og er det største prosjektet i Bypakke Ålesund.
Kvart døgn køyrer nær 15 000 bilar gjennom bydelen. Den nye tunnelen vil avlaste både dagens Lerstadveg og E136 gjennom bydelane Moa og Åse. Lengda blir på om lag 3 km.
På Lerstad er entreprenøren i full gang med å bygge eit toplanskryss som erstattar tidlegare rundkøyring. Trafikken er no lagt om på midlertidig omkøyring, og delar av det nye vegsystemet er teke i bruk.
Oversikt over anleggsområdet på Lerstad. Vi ser vestre utgang frå Lerstadtunnelen, nye bruer og omkøyringsveg.
Christian H. T. Ibsen
Forholda for gåande og syklande på strekninga blir vesentleg forbetra. Frå Moa til Lerstad skal det byggast fire kilometer samanhengande sykkelveg med fortau.
På store delar av strekninga vil gang- og sykkelveg ligge i et parkdrag i god avstand frå bilvegen.
Sykkelvegen med fortau vil krysse under dagens E136 ved bensinstasjonen på Lerstad, og det er også planlagt tilkopling mot turvegsystemet ved Lerstadvatnet.
Framdrifta i tunnel ser slik ut, grønt representerar ferdig sprengt tunnel;
Framdrift per 20. okt
Statens vegvesen
Ny veg mellom Breivika og Lerstad skal bidra til å fremje miljøvennleg transport ved å frigjere vegkapasitet til buss. Prosjektet skal gi betre framkomst, redusert reisetid og betre trafikktryggleik.
Betre kapasitet og framkome på denne vegen vil også vere viktig for næringstransporten i Ålesund.
Sjå videoanimasjon av den nye vegen her:
Byggherre: Statens vegvesen
Status: Oppstart hausten 2022. Forventa ferdig i 2027
Planar: E136 Breivika–Lerstad på vegvesen.no