Trafikken går langs ein omkøyringsveg medan det jobbast på fylkesvegen.
Eivind Finnes
På fylkesvegen er det gjennomført masseutskrifting, grunnarbeid og forbelastning, noko som betyr at setningar i grunnen blir ferdig før sjølve vegen blir bygd.
- Det har vore omkøyring på den mellombelse vegen sidan mai, og det går stort sett fint med trafikken, seier prosjektleiar i Møre og Romsdal fylkeskommune, Eduardo Martinez Gutierrez.
- Det var litt startvansker og misforståingar med turistar i sommar, men vi har forsøkt å løyse dette med tydelegare skilting og andre tiltak.
Det er for tida to undergangar som byggast der fylkesvegen skal gå. Den eine er plassert ved Puskhola, medan den andre ligg ved Blindheimshallen. Dei er samankobla med gang- og sykkelvegane i området. Haldeplassar for buss blir rett ved undergangane.
Eikenosen og Flisnes:
Ny veg til Eikenosen nærmar seg ferdig. Gangveg mot haldeplass Flisneskrysset er merka med raudt, og blir stengt ein periode.
Eivind Finnes
- Den nye vegen til Eikenosen er ferdig asfaltert, men det gjenstår noko arbeid før den kan fullførast og opnast for trafikk. Rekkverk og belysning skal på plass, mellom anna.
- Undergangen ved Flisnes har blitt utvida og oppgradert, og er no open for ferdsel. NB! Undergangen kan bli stengt i periodar ved etterarbeid.
- Det gjenstår ei oppgradering av gang- og sykkelvegen på nordsida av fylkesvegen. Denne blir stengt ei periode, og dei som skal til haldeplass Flisneskrysset må bruke det mellombelse gangfeltet som allereie er etablert over fylkesvegen. Sjå merking i raudt på bildet ovanfor.
Ramsvika og Blindheimshallen:
Ny veg mellom Ramsvika og Blindheimshallen er under arbeid.
Eivind Finnes
- Vegen og fortauet frå Blindheimshallen mot Ramsvika er asfaltert og ferdig fram til Ramsvikvegen.
- Ferdigstilling av vegen heng saman med framdrifta i resten av prosjektet. Mellom anna må ny rundkøyring vere på plass.
- Etter planen kan den nye vegen takast i bruk mot slutten av 2025. Det skal gjerast etterarbeid på vegen, og den vil bli periodevis stengt etter opninga. Dette blir skilta.
Myrland
Vegarma nedanfor Blindheimshallen inn mot Myrland blir stengt med bom når prosjektet er ferdig. Den blir berre open for buss.
- Det er mykje som skjer, og vi forstår at omstillingane i byggeperioden er krevande for naboar og trafikantar, seier Gutierrez.
- Vi planlegg eit nytt informasjonsmøte om framdrifta før jul.
Prosjektet er ein del av Bypakke Ålesund, og er venta ferdig i løpet av 2026.