Fortset med forsterking av veg
Arbeidet med forsterking av gater i sentrum går no vidare til Keiser Wilhelmsgate. Eitt kvartal blir stengt for biltrafikk i om lag to veker frå tysdag 29. oktober. Kipervikgata er snart ferdig og blir opna samstundes.
Fleire sentrumsgater skal forsterkast for å bli betre rusta for å møte framtidas busstrafikk.
- Vi tek eitt kvartal av gongen for å minimere ulempene for trafikantane, seier Erlend Aune, prosjektleiar i Møre og Romsdal fylkeskommune.
Det er eit kvartal av Keiser Wilhelmsgate ved sida av fengselet som blir stengt frå 29. oktober. Her vil det bli vegarbeid i om lag to veker. Kipervikgata opnar måndag 28. oktober.
Sist endra 25.10.2024 12.46