Frå venstre: Prosjektleiar i Møre og Romsdal fylkeskommune Eduardo Martinez Gutierrez, prosjektsjef i Møre og Romsdal fylkeskommune Torbjørn Vatnehol, dagleg leiar i ACO Anlegg AS Tarjei Rødset og prosjektleiar i ACO Anlegg AS Asle Vatne Drabløs.
Sunniva Ullavik Erstad, Bypakke Ålesund
Stor milepæl for viktig prosjekt
Fylkeskommunen har sidan konkursen til førre entreprenøren i mars jobba intensivt med ny anskaffing for å kome i gang igjen med anleggsarbeida så fort som mogleg.
- Dette er ein svært viktig dag for prosjektet. Etter ein krevjande vår med konkurs og ny anbodsutlysing, er vi no klare til å gå vidare saman med ACO Anlegg, seier prosjektsjef i Møre og Romsdal fylkeskommune Torbjørn Vatnehol.
Vegen vidare
Alle delar av anleggsarbeidet i prosjektet var sett i gang før den førre entreprenøren gjekk konkurs. Prosjektleiar Eduardo Martinez Gutierrez ser fram til at arbeidet no kjem i gong igjen.
- Vi forventar å kome i gang med anleggsarbeidet i løpet av august, seier han.
Prosjektet er ein del av Bypakke Ålesund, og var opphavleg planlagt ferdig hausten 2026.
No skal ny entreprenør ferdigstille prosjektet i løpet av hausten 2027.