Det blei informert om neste fase i vegprosjektet på informasjonsmøtet.
Else Britt Ervik
I løpet av mai startar arbeidet på sjølve fylkesvegen, som då vil blir stengt ut 2025. Prosjektleiar i Møre og Romsdal fylkeskommune, Eduardo Martinez Gutierez, fortalde at det bli omlegging av fylkesvegen til ny, kommunal veg langs Bjørkavollen i perioden. Den skal ligge ved sida av den eksisterande, lokale vegen.
- Vi takkar naboar og alle innbyggarane for tålmodet, sa prosjektleiaren.
Snart kan ein glede seg over ny rundkøyring og betre tilrettelegging for gåande og syklande på strekninga mellom Blindheim og Flisnes. Trafikkfarlege kryss blir fjerna, i tillegg til at det kjem betre løysingar for mjuke trafikantar. Om lag 80 personar deltok på informasjonsmøtet, og ein del hadde spørsmål rundt løysingane i byggeperioden, og tilstanden på vegane.
- Vi skal rydde og reparere den eksisterande, lokale vegen langs Bjørkavollen, sa Andreas bergby, byggeleiar i Møre og Romsdal fylkeskommune.
Den er prega av anleggsarbeidet som har gått føre seg, så denne skal vi ruste opp til neste fase i prosjektet.
- Når det gjeld omkøyringsvegen til fylkesvegen er det søkt om 50-sone på denne. Det er til vanleg 70-sone på strekninga.
Vegprosjektet er ein del av Bypakke Ålesund, og er estimert ferdig i 2026. Bertelsen og Garpestad er entreprenør på prosjektet.
Sjå presentasjonen frå møtet 9. april 2025(pdf) (PDF, 18 MB)
Andreas Bergby er Møre og Romsdal fylkeskommune sin byggeleiar på prosjektet.
Else Britt Ervik