Dronebilde som viser det ferdige resultatet i Skarbøvika.
Møre og Romsdal fylkeskommune
Prosjektet vart ferdig sommaren 2025, og har gitt ei samanhengande utbetring av tilbodet for gåande og syklande gjennom Tonningsgata og Brogata. Målet med tiltaka er å auke tryggleiken til dei som går og syklar, samt legge til rette for framkome til bussen.
I arbeidet med sluttoppgjeret oppstod det usemje mellom byggherren og entreprenøren om krav knytte til mellom anna endringar og tilpassingane som vart gjorde undervegs i prosjektet. Etter forhandlingar har partane komme fram til ei minneleg løysing og eit endeleg oppgjer.
Den framforhandla avtalen inneber at sluttoppgjeret er endeleg avklart, og at saka blir avslutta utan vidare rettsleg behandling.
Treng ekstra midlar for å avslutte prosjektet
Prosjektet har tidlegare fått auka styringsramma som følgje av mellom anna konflikt med høgspentkablar, holrom under eksistererande fortau og forlenging av fortauet.
Etter den endelege avtalen i sluttoppgjeret er det behov for å tilføre ytterlegare 3,7 millionar kroner for å fullfinansiere prosjektet og kunne avslutte prosjektrekneskapet.
Midlane blir henta frå ufordelte midlar i handlingsprogrammet til Møre og Romsdal fylkeskommune. Dermed gir ikkje den auka styringsramma konsekvens for konkrete prosjekt.