Styringsgruppa i Bypakke Ålesund hadde møte onsdag 8. juli. Saka gjaldt vidare arbeid med prosjektering av Hessafjordvegen frå området ved Slinningen barnehage og fram til den nye snuplassen ved Slinningsodden. Planen har vore å lage to køyrefelt, fortau og busshaldeplassar.
Arbeidet med innkjøp av konsulent hadde blitt satt i gong, og var i sluttfasen med forhandling og kontraktstildeling. På møtet onsdag skulle styringsgruppa ta stilling til om ein skulle halde fram det arbeidet.
Avlyse og utsette
Ei samrøystes styringsgruppe valde å avlyse innkjøpsprosessen og utsette vidare planlegging. Styringsgruppa ventar å ha betre økonomisk oversikt over dei gjenståande prosjekta i Bypakken mot slutten av året, og vil ta saka opp igjen då.
Styringsgruppa vedtok:
"I lys av den økonomiske usikkerheten i Bypakke Ålesund ber styringsgruppa Ålesund kommune avlyse den pågående anskaffelsen for å grovskissere prosjektet ID732 Hessafjordvn.-Slinningen med snuplass for 3,5 mill. 2026-kr inkl. mva."