E136 Campus - Gåseidvika: Utfylling og utviding vil skje heilt frå Sørnestunnelen, men dette er ikkje vist i skissa.
Statens vegvesen
Det blir dermed planlagt å fullføre utbygging av E136 som opprinneleg vedtatt i stortingsproposisjonen:
-For å få full effekt av Breivika- Lerstad har styringsgruppa prioritert å bygge ut Lerstadtoppen-Campus i sin heilskap. Det blir ny rundkøyring, samanhengande sykkelveg frå Moa til Campus Ålesund og nytt busstopp vestover langs E139 som prioriterer kollektivtrafikken. Dette er viktig for heile trafikksystemet i Ålesund, seier prosjektleiar Ole Kristian Birkeland, i Statens vegvesen.
Slik blir det på strekninga Campus-Lerstad:
- E136 blir utvida til fire felt, heilt frå Lerstad til krysset i Nørvasundet.
- Ekspressbusstopp ved NTNU/NMK for rute 2 med flere vestover (austover er førebels ikkje finansiert)
- Ny bru over Nørvasundet for E136 austgåande trafikk.
- Ny Skuggentunnel for E136 austgående trafikk for å få til påkøyringsrampe med akselerasjonsfelt frå Borgundvegen.
- Erstatte T-krysset på Borgundvegen sør for Nørvasundet, med rundkøyring (krev reguleringsplanarbeid).
- Sykkelveg frå Lerstad langs E136 ned til Gåseidvika (krev reguleringsplanarbeid), svingar der ut på lokalveg over Skuggenhaugen.
Vil koste 917 millionar
Ole Kristian Birkeland presenterer på styringsgruppas møte 6. februar 2026
Bypakke Ålesund
Styringsgruppa vedtok auka styringsramme for E136 Lerstadtoppen – Campus på 328 mill. 2025-kroner. Det betyr at styringsramma aukar frå 589 mill. 2025-kroner til 917. mill. Den auka styringsramma for ID6 skal handterast gjennom porteføljestyring. Styringsgruppa vedtok også at reguleringsplanarbeidet på strekninga E136 Lerstadtoppen – Campus kan starte i 2026. Tidligst byggestart er 2030.
-Dette er svært gledeleg å kunne prioritere utviklinga på Lerstad-Campus her i dag, seier Hans Kjetil Knutsen (stedfortredar for leiar i styringsgruppa).
Konsekvensar ved omprioritering av midlar
Når styringsgruppa har prioritert å legge inn midlar for gjennomføring av Lerstad-Campus får dette konsekvensar for andre prosjekt i Bypakken. Det betyr at Bypakke Ålesund per no ikkje har midlar til ny påkøyringsrampe på Myrland, og omfanget for prosjektet ID4 Campus er betydeleg redusert. Styringsgruppa får ei sak i løpet av 2026 som vil vise kva som er mulig å få til på Campus med ny ramme.