- Stort løft for området

Prosjektet i Tonningsgate og Skarbøvikgata er ferdig, og ei strekning på 750 meter har blant anna fått nye raude sykkelfelt og fortau, samt oppgradert køyrebane.

Området hadde stort behov for gode løysingar for dei som går og syklar. Prosjektet strekk seg frå krysset Brogata/Tonningsgate til Skarbøvikgata ved Notholmen (like før Kiwi Skarbøvik). 

- Prosjektet er ein del av ein framtidig plan om samanhengande sykkelveg mellom Hessa og sentrum, og området har fått eit stort løft, fortel Eduardo Martinez Gutierrez, prosjektleiar i Møre og Romsdal fylkeskommune.  

- Det er alltid krevjande å jobbe langs vegen på denne måten, og prosjektet har i tillegg blitt utvida i to omgangar. Vi er svært takknemlege for at naboar og trafikantar i området har vore tolmodige, seier han. 

Dette har Bypakke Ålesund gjort i området: 

  • Nye, raude sykkelfelt på begge sider av vegen
  • Oppgradering av vegbana med breiare køyrefelt
  • Oppgraderte fortau
  • Betre belysning
  • To oppgraderte busstopp – flytta vekk frå svingen for å auke trafikktryggleiken, og reetablert som kantstopp for auka prioritering av buss. 

Vatn og avløp i Ålesund kommune har samtidig lagt nye vatn- og avløpsleidningar i området, og fjerna to direkteutslepp av avløpsvatn. 

Portrett av prosjektleder.  - Klikk for stort bileteEduardo Martinez Gutierrez er prosjektleder for Bypakke Ålesund i Møre og Romsdal fylkeskommune sine prosjekter i Bypakke Ålesund. Møre og Romsdal fylkeskommune

- Vi har også nytta moglegheita til å gjennomføre eit trygg skuleveg-prosjekt. I Kaptein Linges veg har vi blant anna oppgradert busstoppa og fortauet, og ved Hessaskaret har vi oppgradert vegbelysninga, fortel Martinez. 

Prosjektet vart ferdig i midten av mai, og har blitt overlevert frå entreprenøren Mesta til byggherre Møre og Romsdal fylkeskommune. 

Den offisielle opninga blir i Skarbøvikgata tirsdag 3. juni frå kl. 11.00. Alle er velkommen til underhaldning, talar og kake. Les meir om opningsmarkeringa her